#7 Миноритарий » Пн, 13 апреля 2009, 20:09
Всех поздравляю с наступающим светлым праздником Пасхи!
Христос Воскресе!
Часы Святой Пасхи и всей Светлой седьмицы.
Молитвами святых отец наших,Господи Иисусе Христе, Боже наш, помилуй нас.Аминь.
Тропарь, глас 5
Христос воскресе из мертвых, смертию смерть поправ и сущим во гробех живот даровав. (Трижды)
Таже
Воскресение Христово видевше, поклонимся Святому Господу Иисусу, Единому Безгрешному. Кресту Твоему покланяемся, Христе, и святое Воскресение Твое поем и славим: Ты бо еси Бог наш, разве тебе иного не знаем, имя Твое именуем. Приидите, вси вернии, поклонимся святому Христову Воскресению: се бо прииде Крестом радость всему миру. Всегда благословяще Господа, поем Воскресение Его: распятие бо претерпев, смертию смерть разруши. (Трижды)
Ипакои, глас 4
Предварившая уторо яже о Марии, и обретшия камень отвален от гроба, слышаху Ангела: во свете присносущем Сущаго с мертвыми что ищете, яко человека? Видите гробныя пелены, тецыте и миру проповедите, яко есть Сын Бога, спасающаго род человеческий.
Кондак, глас 8
Аще и во гроб снизшел еси, Безсмертне, но адову разрушил еси силу и воскресл еси, яко Победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй воскресение.
Тропарь, глас тойже
Во гробе плотски, во аде же с душею яко Бог, в раи же с разбойником,
и на Престоле был еси, Христе, со Отцем и Духом, вся исполняяй, Неописанный.
Слава: Яко Живоносец, яко рая краснейший, воистину и чертога
всякаго царскаго показася светлейший, Христе,
гроб Твой, источник нашего воскресения.
И ныне: Вышняго освященное Божественное селение, радуйся! Тобою бо
дадется радость, Богородице, зовущим : благословенна Ты в женах еси,
всенепорочная Владычице
Господи, помилуй. (40 раз)
Слава Отцу, и Сыну, и Святому Духу, и ныне и присно,
и во веки веков. Аминь.
Честнейшую Херувим и славнейшую без сравнения Серафим,
без истления Бога Слова рождшую, сущую Богородицу Тя величаем.
Молитвами святых отец наших, Господи Иисусе христе, Боже наш, помилуй нас. Аминь.
Христос воскресе из мертвых, смертию смерть поправ и сущим
во гробех живот даровав. (Трижды.)